【Viu】關心妍（Jade）完騷後接受訪問，講到囡囡楊榮心表演打筋斗，Jade大讚囡囡有勇氣，至於佢喺台上叫大家唱生日歌畀爸爸楊長智聽，Jade話：「我都唔敢太早話佢知，因為佢會即刻話畀爸爸聽，今日（噚日）都係等爸爸出咗門口，我先同佢夾，叫佢要自己講。因為爸爸為咗呢個演唱會，真係勞心勞力，所以我哋連點慶祝都未諗，好多謝大家唱生日歌畀佢。」
至於鄭秀文（Sammi）嘅驚喜登場，Jade直言對方對佢嘅影響好大：「佢嚟咗對我好大鼓勵，因為呢個演唱會，我希望帶畀香港人盼望，Sammi喺我人生最艱難嘅時間，佢嘅歌畀我好大鼓勵。」為表誠意，Jade仲親手寫咗封信邀請Sammi：「我仲搜羅晒好多薯片，知佢鍾意食零食，我就各個地區都買啲，自己包咗個籃送畀佢。」
另外，蕭正楠提到同期出道、又曾經傳不和嘅麥浚龍（Juno），Jade坦言同Juno都冇聯絡，不過都好期待搞個02年出道嘅歌手Re-union。
