【Viu】初登大銀幕嘅阿冰，可以喺《1人婚禮》擔正做女一梗係開心到爆啦，不過佢就話小薯茄嘅成員，特別係程人富，得知呢個消息都好葡萄，仲嬲到唔同佢講嘢啊！不過呢啲都係講笑啫，其實大家不知幾戥阿冰開心，富哥同童童仲有參與演出添！今次阿冰喺戲中有唔少初體驗，仲獻出咗螢幕初吻畀陳健朗添！當被問到如果要同小薯茄男成員拍嘴戲，會揀邊位，阿冰諗都唔使諗咁即答朱Mic，仲補多句：「都唔係選擇題嚟嘅！」真係笑爆嘴！
而要飾演youtuber嘅阿朗覺得今次角色有啲難度，加上自己冇咩喜感，所以經常要捉住阿冰傾偈，希望加深對youtuber嘅了解，阿朗仲自爆作客小薯茄嘅「雪櫃冷笑話」，搞到周導都勁羨慕啊！
