【Viu】演員出身嘅Kelvin陳健朗，2013年入行以嚟演出過唔少短片同電影，連MV都有佢嘅身影！除咗幕前工作，佢仲有個導演夢，不時參與劇本創作同執導短片，首部執導既電影長片《手捲煙》，喺第57屆金馬獎同今年第40屆香港電影金像獎都分別獲得7項提名，當中更包括新晉導演獎！不過佢就話自己冇特別諗會唔會攞獎，反而私心希望男主角林家棟可以憑《手捲煙》攞影帝，因為呢套電影之所以拍得成，都係多得家棟願意零片酬，瞓身撐港產片！而且喺Kelvin嘅電影路上都受到杜琪峰、陳果、劉國昌三位導演影響，希望自己都可以好似佢哋咁，透過作品將力量同訊息傳遞俾觀眾！
