【Viu】 出道36年嘅殿堂級音樂人兼歌手Anthony，嚟緊11月尾會喺西九戲曲中心舉行演唱會，雖然隔咗咁耐再開騷，不過依然有心有力，好珍惜喺疫情下有機會同歌迷再見面，向大家剖白音樂人不為人所知嘅一面！Anthony仲自爆鍾意夜晚開工，同時仲會不斷食麵包攞創作靈感，真係幾特別㗎！講到佢最難忘最快手完成嘅作品，一定係同梅姐梅艷芳合作嘅《四海一心》，佢仲大讚梅姐錄歌效率超高！
而講到新一代歌手音樂人，佢就大讚MIRROR係香港樂壇強心針，私心最欣賞Edan，因為同佢一樣係鋼琴才子！同時又大讚馮允謙同MC張天賦唱功了得，一直好欣賞Eric Kwok嘅音樂才華，有機會都好想同班後生仔合作啊！
