【Viu】Tyson Yoshi同Hillary劉沛蘅今日出席活動，Tyson笑認使完過百萬拍《Self-made》MV後，瀕臨破產，要搭地鐵慳錢，仲會每日自備飯盒，係由女友Christy準備㗎！Tyson又自爆吊完威吔變「戚袋袋」，好彩試咗冇影響「性能」咋！講到佢月尾會衝出香港，去紐約參加音樂節，Tyson透露女友會一齊去，加埋工作人員，十足十旅行咁呀！至於同Lay張藝興同場，佢就話預咗冇人識自己，但喜歡用underdog身份演出。
此外，Hillary爆男友洪卓立最近有操肌，但冇咩可能有Tyson咁大隻，雖然對方最近喺內地工作，但唔擔心立立又暈喎！
