【Viu】Yoyo葛綽瑤、Sica何洛瑤、Alice許寶恆、Ash鍾卓穎、「三小辣」羅允芝、Brian陳安立、強尼、Thor駱振偉等，今日出席ViuTV世界盃活動，同時宣布即將免費播放19場精選賽事，鍾意足球嘅真係冇得輸。Yoyo、Sica同Alice自問唔熟悉足球，不過Yoyo話每逢大賽都會陪爸爸睇，亦係全家嘅零食time。而Alice就話純粹睇靚仔，已退役嘅碧咸係至愛，依家仲會keep住留意對方IG。對於Yoyo可以喺《季前賽》同姜濤談情，Alice同Sica都話羨慕呀！問到Yoyo之後嘅劇情會唔會同姜姜錫錫？佢就懶神秘咁！
而Brian早排忙住飛唔同地方，最近先返香港，唯有一次過翻煲自己有份演出嘅《季前賽》。問佢最鍾意邊個角色？佢就話當然係自己隊長「卓立鋒」Ian@MIRROR，Brian話拍呢套劇最開心係可以扮大學生。
