【Viu】 《一點粉紅2022閉幕音樂會》噚日順利舉行，夜晚有一眾歌手接力演出炒熱全場氣氛！其中有啱啱先喺「鄉下」返港嘅Kayan9896，佢坦言係望實日本一通關就即刻飛去，成個trip 7日不停喪買靚衫，買到唔敢埋數！
同樣「思鄉病」發作嘅有麗英，講到鄭伊健早前同FINALLY合作拍短片，麗英揼晒心口咁話見唔到男神一面好唔開心，不過事後聽番話鄭伊健當日有問：「會唔會見到麗英？」原來佢係《教束》嘅fans，咁就當堂贏晒啦！
Kiri T、Gigi張蔓姿提起唱片公司揼本為佢哋落巨型廣告，佢哋都話好震撼要趕去打卡！而Kiri T新歌MV搵嚟MC張天賦出鏡，笑問驚唔驚同師兄傳緋聞？佢抵死笑答自己唔係女主角所以冇風險。至於顧定軒除咗預告快出新歌，都講到啱啱完成嘅Blackout音樂會獲Stephy鄧麗欣撐場，好驚喜，仲話有留意到Stephy嘅泳衣照，不過太怕羞唔敢俾like啊！
