【Viu】RubberBand同方皓玟（小明）今日出席《Klook呈獻 MOOV Live RubberBand X 方皓玟》記者會，公佈12月3號晚喺亞博開騷，雖然佢哋相識多年，又經常互做演唱會嘉賓，但合作開騷就係第一次喇！RB仲笑言對小明嘅感覺變晒，覺得佢「秘密練兵」嚟，寸嘴指數激增咗呀！咁小明係咪堅想加part棟篤笑環節？佢笑言要另外收費，隨時貴過票價。
RB解釋3缺1係因為阿正同囡囡去咗馬來西亞探親，希望佢開騷前捨得返香港咁話！咁泥鯭會唔會請女友黃心穎睇騷呢？佢就呻自己冇飛喎！嘩！講呢啲呀？」
