【Viu】《Harbour the Sonic 陳曉東2022演唱會》噚晚喺西九竹翠公園舉行，東東以《結他》、《新歡加精選》同《心理遊戲》3首快歌揭開序幕；其後同DJ King Crossover《今期流行》同《芳華絕代》，High爆全場！
最正係Encore時，邀得Niki周勵淇同方力申合唱劇集版《百份百感覺》主題曲《兩男一女》，集體回憶返晒嚟呀！小方仲自爆當年迷戀Niki，經常喺片場賴死唔走，笑爆全場！最後東東以《劃火柴》作結，仲跳落台同Fans握手，相當寵粉！
受訪時，東東表示有搵過Rain李彩華「合體」，但未成事，希望下次開騷可以「百份百齊人」，仲預告已經入紙申請紅館，佢又話一直有同小方、Niki聯絡，希望原班人馬再合作，好期待呀！
