【Viu】野人老師鄭丹瑞今日以「健康.旦」身份出席健康博覽活動，67歲嘅旦哥堅係keep 得好好。依家僅140磅嘅旦哥，透露之前拍《野人老師》期間因太熱中暑，之後又中埋covid，但佢勝在朋友多，收到來自各方嘅保健品，短短3日就好返晒變「一線藝人」。講到同Stanley邱士縉喺《野人老師》入面嘅父子情受外界關注，旦哥都認同：「係咪覺得我哋好似真正父子呢！我真係好欣賞呢個後生仔，尤其係有一場佢自己嘅獨腳喊戲，我睇完即刻WhatsApp佢，好proud of呢個仔。」至於有冇同阿仔傾吓有咩新嘅合作計劃？旦哥話睇緣份咁喎！
另外旦哥又大讚《野人老師》嘅小演員角色聰聰，「好多朋友都問我佢係咪真係有自閉症？我話佢仲聰明過你呀！證明佢真係演得好好。」
