【Viu】ViuTV原創劇《野人老師》喺10月3號晚就正式開播喇！呢日主角之一嘅旦哥鄭丹瑞同導演陳賢俊，一齊上《爆谷一周》做宣傳，講到旦哥不嬲對劇本都好揀擇，所以一開始監製搵佢出山，佢都即刻耍手，但係一聽到MIRROR成員Stanley同Frankie都有份參演，態度即刻180度大轉變，話要拍啊！而旦哥第一次同Stanley合作就飾演兩父子，仲有咁多對手戲，佢都對呢位後輩讚不絕口，話Stanley唔單止有智慧有認真做功課，仲讚佢好好學添啊！而導演就一直都好留意Frankie，話喺《IT狗》時已經開始關注佢，而且仲爆Frankie為咗今次嘅角色超用心準備，特登去練柔道添啊！
