【Viu】RubberBand聯同香港節慶管弦樂團，一連三晚喺西九文化區舉行嘅戶外音樂會，噚晚正式開鑼！雖然未開騷就落雨，但樂迷依然好high，掌聲同歡呼聲都有齊！當現場響起RubberBand大熱歌曲《Ciao》嘅音樂時，全場企晒起身大合唱，將演唱會氣氛推到最高點啊！雖然呢次音樂會因為疫情，足足延遲咗四個月先開得成，終於可以入場感受Live Show嘅魅力，難怪現場歌迷咁熱情啦！而呢晚音樂會上另一大驚喜，就係6號嘅太太兼RubberBand御用填詞人Tim Lui 上台，兩公婆放閃合唱《Slow & Easy》，又Sweet又溫馨！不過6號竟然話覺得好尷尬，小心返到屋企俾太太扭耳仔啊！
