【Viu】Shirley沈殷怡喺ViuTV原創劇《野人老師》入面，飾演Stanley既太太何滿兒，佢本身係一位補習天后，為咗陪囝囝軒軒，要忍痛放棄自己嘅事業。今次飾演妻子同埋媽媽既角色，佢特別請教咗啲已婚朋友同埋媽媽，先領略到為人父母嘅心境，Shirley坦言家庭觀念大於一切，唔排除會因為小朋友而引退。《野人老師》嘅九隻乖豬人見人見愛，無論係Stanley或者旦哥都大讚佢哋又乖又聰明，而Shirley見到班小朋友就冧到爆，佢讚囝囝超醒目，打麻雀計番仲快過佢添！經過《野人老師》之後，Shirley發現原來拍劇都可以好有成功感，今次仲同Stanley有唔少對手戲，又多謝好拍檔帶佢入戲，不過講到理想情人啦喎，Shirley就揀咗男神Jeremy，仲FF同對方演霸道總裁同純情學生妹。
