【Viu】ERROR成員吳保錡最近出咗第二首solo，新歌《羅曼蒂克衰亡史》噚晚上架喇！第一首作品《猥瑣》MV有過百萬點擊，成績咁好，所以保錡今次再請到同一個班底，包括監製舒文、填詞人黃偉文同埋作曲人Larry Wong，幫佢再下一城。首兵歌咁Sad，唔少歌迷都話聽到個心揦住揦住呀，不過開心嘅係呢個兵仔都有女主角呀！保錡今次搵嚟YouTuber雪瑤參與MV演出，唔通又係自肥？話就話係做兵啫，保錡同女主角都唔少親密鏡頭㗎，除咗抱抱、捉吓手仔、攬住瞓覺，拍呢場差啲Kiss嘅戲分，保錡竟然變咗怕醜仔，紅都面晒呀！不過佢搞笑過螢幕初吻一早獻俾Dee哥，自己反而最叻同男人Kiss呀。
