【Viu】男團FINALLY人氣急升，去到邊都好似見到佢哋咁！繼早前開完小薯茄6周年騷後，呢日佢哋就為女團Lolly Talk獻出「第一次」⋯ 齊齊擔任MV男主角～ 講到呢次「破處」，4子都話好開心，不過拍完似乎就有啲「微言」，覺得唔夠喉，所以忍唔住「投訴」：「少見男主角一鏡過淨係出十幾秒！」
其中「Chorus」程人富大爆原本係有場Kiss嘅情節，只係唔想麻煩導演轉場就唯有作罷，聽完信不信就由你啦！除咗諗定下次再同Lolly Talk合作之外，佢哋仲有透露發達大計，睇嚟要同阿冰、童童鬥過咁，係「終粉」嘅你又點可以唔睇足本片一齊笑呢～
