【Viu】ViuTV選美真人騷節目《尾二一屆口罩小姐》展開咗16強選拔，佳麗分成4人一組，分別有小清新組、性感組、陽光組同埋優雅組，佢哋要影靚相鬥做寫真女王，ERROR四位隊長都有從旁指導，俾咗唔少擺pose嘅意見。193負責指導小清新組同性感組，仲親身試陣示範點樣擺靚pose。而肥仔都落力幫陽光組同埋優雅組㗎，佳麗去到泳池影水著相時，佢仲埋小助手幫忙吹波波添！睇完靚女水著，到噚晚第13集，節目請嚟小薯茄既程人富同阿J做嘉賓，佳麗除咗自由發揮製作節目之外，仲去埋主題樂園鬥智鬥膽量，阿Dee同保錡就Man爆陪埋組員上海盗船玩遊戲，不過睇佢哋個樣鬼咁ENJOY，咁自肥得唔得架！
