【Viu】 勇者無懼嘅吳業坤，繼年前同ERROR成員193郭嘉駿Cover《玩具成熟時》後，前日又上載同ERROR另一成員吳保錡嘅合照，保錡仲預告「Double Ng」會推出Cover歌《原來他不夠猥瑣》，令網民一地花生！ 向來以「快吞轟」聞名嘅保錡，估唔到連造歌都「快吞轟」，Cover歌今日已經喺YouTube上架喇，網友紛紛留言大讚呀！保錡話細細個已經鍾意聽坤哥唱歌，加上處男作《猥瑣》嘅幕後班底，同坤哥當年《原來她不夠愛我》一模一樣，適逢又有網友將兩首歌串連埋一齊，於是同坤哥整返首「真Cover」，希望之後可以上《Chill Club》一齊合唱咁話！而坤哥都喺社交網站話想同保錡一齊上《勁歌金曲》或者《Chill Club》，喂呀！小編真心期待，音樂大同呀嘛！
