【Viu】Chris黃凱芹慶祝入行35年紅館騷噚晚順利舉行，雖然闊別紅館十年兼已移居加拿大多時，但Chris靚聲依然。全晚佢唱多過講，唱咗超多正歌，係fans嘅一定識《情未了》、《最佳男配角》、《再遇》、《易愛難收》、《青蔥歲月》、《雨中的戀人們》等等，小編都聽到唔捨得走。唱《情未了》嗰陣，當然又要同閨密Vivian周慧敏合體啦！之後佢哋仲jam多首粵曲《紫釵記之劍合釵圓》添！俾你哋玩晒啦！
Vivian喺台上自爆曾欠黃凱芹錢，點知Chris數口極精，即時計到對方爭自己兩千幾蚊，事後Chris笑言：「佢同我講還咗，但我記得就冇喇！」而Chris更爆料話唔係自己請Vivian做嘉賓㗎！「我真係好怕爭人哋人情，但今次係主辦單位同我講已經請咗Vivian做嘉賓，佢仲考慮10分鐘就應承。」Chris仲大方話自己已登六，可以喺香港坐兩蚊乘車優惠，但可惜佢早已買定回程機票返加拿大，無緣享受呢個「長者」福利，咁真係有啲嘥料咯！
