【Viu】張敬軒同Jeffrey魏浚笙今日出席活動，Friend底嘅佢哋一見面就攬攬，仲宣佈月底會合作拍電影，軒公做師兄，負責恰Jeffrey，又爆Jeffrey要露肉兼Chok爆，自己就可以慳返啲力喇！除咗有肉肉睇，原來軒公同Jeffrey都會獻出第一次槍戰戲，好期待呀！
講到Jeffrey噚晚喺活動邀約軒公齊齊做Gym，佢就絕情Say No喇，仲話試過P圖落Tyson Yoshi同Jeffrey嘅身材，真心carry唔到爆肌身材，笑死小編喇！笑問Jeffrey會唔會除埋下半身，佢就話肯為藝術犧牲，軒公即刻大讚佢係「影壇優質股」，又爆Jeffrey試過同自己合唱升key版《春秋》，歌喉好到不得了呀！
此外，Jeffrey噚晚出活動話冇試過同Gym友Tyson肉帛相見，但都戥對方喺Gym Room被偷拍唔抵，希望大家互相尊重。
