【Viu】陳曉東將於下月22日在西九文化區苗圃公園舉行《Harbour the Sonic陳曉東2022演唱會》，今日他出席記者會公布詳情。東東笑言今次演唱會應該可以有點唱環節，皆因自己識唱不少歌曲，不過也會學定少少粵曲，就算樂迷點唱都不會被考起。講到首次開戶外騷，東東指香港樂隊Rubber band及ToNick亦舉辦過，令他思考應否加入新元素，所以打算個唱加入電子音樂。他說：「有啲歌會加remixes！嘉賓就會請來C AllStar的成員King。」東東指早前在三亞工作時，因準備今次個唱，亦找來知名DJ前來教他打碟，所以工餘會玩捽碟，但只屬於剛畢業。
提到歌衫方面，東東笑言開會後將累贅的服裝取消變成輕巧服飾。當笑問會否騷肌不穿上衣？他說：「其實有搵教練keep住我個體能，反而我擔心天氣突然凍，因為我好怕凍！」點唱+電子音樂+操體能+著輕巧衫，咁多樣嘢加埋都算幾突破呀！
