【Viu】終於等到《飯戲攻心》上映啦！噚晚黃子華、Stephy鄧麗欣、張繼聰、王菀之、林明禎同埋導演陳詠燊，「成家人」一齊出席首映禮！
咁啱下星期一（9月5日）就係子華神嘅生日，戲中隱形角色廖子妤帶住份禮物進場，繼續每位「屋企人」都向「大佬」子華神送禮賀壽，當中以導演份續集厚禮最為surprise同窩心！問到生日有咩慶祝活動？正演出舞台劇嘅佢開心話有得休息，會瞓足48個鐘，而生日願望就係當日唔使接電話同新戲有好嘅票房！子華神指呢次同兩位女神Stephy、明禎BB對戲好不可思議，又搞笑話一拍完劇就要約束自己嘅思想，自爆有愛上Stephy添！
