【Viu】七仙羽（七師傅）今日出席商場舉行的抽金活動，以女神look亮相的七師傅，笑言身上服裝是老公為她挑選，因為大會要求她以雅典娜女神look亮相，講到抽獎運，七師傅笑言自己幾Lucky，試過抽中名牌手袋、金幣及電視等，大部份獎品也會送畀朋友。本身樂善好施的七師傅，坦言自己多錢到使唔晒，但不會追求有靚車、遊艇，反而老公就會喜歡。她說：「我平均一個月會捐十五萬出去，主要都係派食物。」
此外，提到黃夏蕙移居美國，問到她會否秉承對方每年以生肖look到廟宇為香港人祈福？她說：「我都願意嘅！幫市民做有意義嘅事。如果有時間嚟黃大仙廟，都無問題。扮返生肖都得，睇下咩主題啦！」
