【Viu】今年麥花臣節有三大重點Live騷，打頭陣7月有熊仔頭、緊接9月有小薯茄嘅6歲「誕辰」、壓軸喺10月就係張繼聰演唱會，三個單位今日出席記招，場面墟冚！
阿聰預告除咗聽日會有兩首新歌推出，之後仲會有首演唱會主題曲，咁多新歌，唔怪之得阿聰笑話到呢個moment仲改緊rundown啦！嘉賓方面，一家四口會齊齊上台演出？阿聰話佢哋嚟現場支持就足夠，至於講到囡囡Kakaball最近大跳Anson Lo首《Megahit》，佢亦有講到做「外父」心情。
另外，熊仔頭透露表演會以舞台劇形式，重點係重女！內容方面仲係挑戰18禁，所以佢哋笑話拒絕細路仔入場；小薯茄今日派新晉男團FINALLY做代表，抵死笑指到時FINALLY部份會佔成個騷9成，會唔會乘機出首支派台歌先？佢哋就話唔會啦，但目標係做跳唱組合！
