【Viu】Delta T蛋撻頭最近推出新歌《月下舞》，有別以往嘅復古風，歌曲今次加入R&B同Tropical House元素，想帶啲唔同嘅感覺俾樂迷。而呢首歌亦記錄咗佢上半年嘅心情，因為第五波疫情同世界要打仗嘅新聞，令佢灰到爆，仲係因為佢年頭幫193製作嘅《再次PuppyLove》被人話抄歌，佢先會成個人低落晒，佢坦言對於創作人嚟講，抄歌真係一個好大嘅指控，不過好彩自己EQ高而家已經冇嬲啦。睇Delta T嘅MV除咗聽好歌，亦都係視覺享受，個個MV都搵到靚靚女主角自肥，Delta.T解釋話喺佢MV出現嘅女主角一定要靚演技又好，全因為自己要求比較高，希望俾最好嘅嘢大家睇呀！
