【Viu】JNYBeatz同Delta T最近再合作出新歌《No More Words To Say》，內容係嚟自兩位嘅親身經歷，講佢哋喺玩音樂呢段期間經歷好多轉變，人與人之間一開始可能好多偈傾，但當大家嘅共同目標或者合作完結咗，話題亦慢慢消失，對於呢個情況，JNY同Delta T都覺得好可惜，但就好彩佢哋仲Keep到份熱血，所以先會一齊寫歌！講起同Delta T嘅合作，JNY就話佢哋冇意見不合，但就投訴Delta T寫詞寫得太慢嘞，不過Delta T就反駁話係JNY比得太少時間佢，想佢半個鍾內就填好rough嘅詞，當然係不可能任務啦！不過都係講笑啫，事關JNY最近先搵咗Delta T幫佢填新album嘅詞啊！
而講到最想合作嘅歌手，Delta T就話想同鄭融合作，因為好鍾意對方把聲，仲即席唱咗《終生學習》添，JNY就自爆好鍾意衛蘭，仲話細個嗰陣好鍾意聽佢嘅作品，但當叫佢唱幾句俾大家聽下嗰陣，JNY似乎就有啲怕羞啦！到底最後JNY肯唔肯開金口？記得睇片啦！
