【viu】女團COLLAR成員Marf呢日為動漫電影《ONE PIECE FILM RED》聲演新加入嘅角色「美音」，雖然嚴格嚟講呢次係佢嘅配音初體驗，但！若然你係忠實嘅「Muffin」，就一定記得Marf喺《全民造星IV》初賽自我介紹片入面已經玩過，係咪即時勾起好多嘅回憶呢！
講番正題先，Marf話當收到配音邀請嗰陣好surprise，仲話最開心嗰個係動漫迷爸爸。而為可以keep住把靚聲，佢話每日不停飲水，但始終喺配音界都係初哥，Marf坦言一開始有壓力同感到困難，特別係配「美音」出招嘅聲勢，擔心未能發揮得最好！又指發現喺「美音」身上搵到自己嘅影子，除咗係撞齊陰look之外，例如仲有正義感、堅守唱歌興趣等，即時令人聯想到Marf之前喺《玩爆你個腎》整蠱COLLAR嗰集挺身而出力撐隊友，事後又大方攬「惡女人」Big姐，EQ高到真係畀個讚佢呀！
