【Viu】女團COLLAR成員Marf、Ivy合體出席活動，講到佢哋成日糖黐豆接job，收入係咪大增先？Marf搞笑話要睇幾時出糧，至於Ivy就賣口乖話賺到友情同Marf嘅愛，咁冧㗎咩？咁問到佢哋出咗第一次糧未？佢哋話出咗，Marf指第一時間拎咗嚟還債，因為參加《全民造星IV》嗰陣使費好大，所以即刻還錢畀屋企人同朋友，而Ivy就話全部上繳中央。
講到日前生日嘅Marf獲「Muffin」搞狗義工活動慶生，Marf亦專程抽一日時間join埋一份，佢話同fans一齊做義工呢個體驗好好，希望之後都可以keep住搞，做義工同時又可以gathering，仲唔係一舉兩得？
