【Viu】Jade關心妍噚日喺唱片舖舉行新碟《Emergence》簽名會，獲數百名fans現身支持，結果Jade由夜晚7點簽到舖頭10點閂門，簽名筆都用盡幾枝，認真誇張！最搞笑係有fans要求Jade視像「教女」，而Jade亦有求必應叮囑小fans要「畀心機讀書」；亦有「神隱」多年嘅fans突現蒲頭，令Jade即場感動落淚！
之後Jade又講到呢隻碟係囡囡出世後，首隻推出嘅專輯，數數手指都起碼有成8年冇搞簽名會，呢次新碟銷情超出預期，淨係買到10隻攞意頭，其中一隻就係簽畀囡囡，之後私心再想補貨都冇，但Jade話唔諗住加印，咁就真係物以罕為貴啦！仲未買到嘅fans要手刀mode去撲碟啦！
