【Viu】Jay Fung馮允謙宣布嚟緊7月會喺九展舉行處男騷，今次可以開騷佢都好多謝一班支持佢嘅Fans，仲話有時出席公開活動，見到唔少歌迷都係由佢初入行已經開始支持自己，令佢相當感恩。為咗個唱，阿Jay都話要極積修身，不過由於依家佢同爸爸一齊住，爸爸又好鍾意煮嘢食，自己作為孝順仔當然要捧場，亦因為咁今年佢足足肥咗10磅！而要Keep fit呢件事，Jay Fung喺拍個唱海報已經有所覺悟啦！
好息消繼續有，Jade關心妍嚟緊6月亦會開紅館騷慶祝入行20周年，相隔10年，再踏紅館舞台，佢都興奮到特登去紅館打卡兼拍片公布喜訊啊！今次開騷咁有意義，當然要隆重其事啦，拍攝演唱會Poster亦獲贊助商借出過千萬嘅鑽飾，真係好閃㗎！拍完海報，Jade亦著手籌備歌單，佢仲考慮要唔要同囡囡母女檔獻唱添！
