【Viu】《全民造星II》出身嘅Zelos黃凱逸，參加完比賽之後，以獨立音樂人身份勇闖樂壇，最近推出咗新歌《騷》，希望唔同嘅人都可以風騷做自己！而MV亦揸緊呢個宗旨，Zelos唔單止瘋狂騷肌，仲有全裸鏡頭添，非常大膽啊！不過亦因為咁，Zelos喺IG宣傳新歌嗰陣就發生咗段小插曲，就係個post被下架啊，不過好彩最後都救得返！佢亦自爆原來細個嗰陣好在意大家點睇自己，唔會承認自己係同性戀者，直到大個咗佢先開始「免疫」，唔再care其他人攻擊佢嘅留言，至於當初點解會選擇出櫃，Zelos就話係為咗離世男友，希望俾大家知道，喺佢生命中曾經有一個咁好嘅人出現過！另外Zelos仲自爆嚟緊首新歌，係同《造星II》嘅Hugo丘凱雄一齊寫㗎。
