【Viu】 被封性感女神嘅沙律張沛樂，喺工作上不斷接受新嘗試，最近佢就挑戰唱歌，新歌仲已經籌備緊，希望可以喺6月派台，佢仲預告希望年內可以推出最少2首作品添！沙律年初推出寫真集，特登剪走把長長秀髮，有網民比Like亦有網民話短髮Look冇晒女人味，「女神不再」咁話喎，沙律就表示「女神」都只不過係標籤，自己唔會太在意，仲自爆曾經因為自己33E嘅身材而煩惱過，身邊更有朋友建議佢扎胸，不過佢就覺得呢個做法太極端嘞！不論工作定感情方面都回復自由身嘅沙律，仲同大家分享自己嘅擇偶條件，話最緊要就係啱嘴型，靚唔靚仔都係其次啊！
