【Viu】喺鏡粉心目中世一嘅MIRROR，果然不負眾望，喺Chill Club頒獎禮，組合加埋個人成員一共奪得9個大獎，認真犀利！而Anson Lo更加攞走男歌手金獎同年度之歌兩個大獎，一向寵粉嘅教主，都有第一時間多謝神徒嘅支持。而攞到男歌手銀獎嘅姜濤，講得獎感受時話只要大家唔放棄，佢會永遠喺呢度唱歌俾大家聽，咁是咪代表30歲唔退休呢？姜濤就話「用作品說話」,各位姜糖識做啦！而攞到新人銀獎嘅Edan覺得開心，攞到銅獎嘅193就話冇諗過會攞獎，而全場最搶鏡，莫過於阿Dee嘅燈牌喇，不過身為「ViuTV一哥」，呢啲基本嘢嚟啦！
