【Viu】恭喜恭喜，ANSON LO首新歌《Mr. Stranger》推出咗一個月多啲，已經破800萬views，相信好快就可以慶祝1000萬喇！教主噚晚亦有喺IG出story多謝大家，仲分享咗《Mr. Stranger》其中一段舞，之後畫埋出嚟，畫風都好得意架！忙到冇停手嘅教主噚晚拍嘢，凌晨4點先返屋企呀，而另一兄弟姜濤都有出post話MV完成，唔知係咪拍團歌MV呢？另外AK同ALTON嘅fc最近喺巴士椅背同燈箱落廣告，為偶像首新歌《REBOUND》應援，而AK下個月仲會舉行網上音樂會添，想睇嘅話記得留意詳情啦！大家都有新工作，最開心梗係一班鏡粉啦！
