【Viu】娟姐練美娟喺ViuTV原創劇《反起跑線聯盟》又同肥仔＠ERROR演夫妻，雖然大家都叫佢哋拍拖，但娟姐話如果同肥仔真係拍拖，會嚇死大家咁話！（小編嚇大嘅，未驚過囉！）娟姐最希望可以撇甩肥仔，同其他精壯男士合作，又自爆同岑珈其最啱Key，最適合主持鬧交節目，聽到都期待呀！
現實中，娟姐鍾意幽默同高大男士，最愛熟男，仲試過被Body好正嘅小鮮肉追求添呀，人生勝利組嚟㗎！單身4年嘅佢，一直有孖唔同男士Dating，仲自爆Dating猛料事件簿！雖然唔急拍拖，但好鍾意小朋友，最近已經儲夠錢雪卵，歡迎各國壯丁使用，笑Cry小編喇！
自認美貌有9分嘅娟姐，堅持唔減肥，要做獨特美女，聲線同樣獨特嘅佢，仲心思思挑戰呢樣嘢，大家又估唔估到呢?
