【Viu】陳卓賢喺啟德舉行嘅《IAN CHAN :GROWTH: LIVE 2026》頭場，唱完一輪慢歌後，Ian喺Video中親解對夏天嘅情意結，事關自己喺夏天出世，名副其實係Summer Boy，所以覺得夏天係自己生命嘅開始，但又笑認係宅男，無論夏天冬天都匿喺屋企，差別只係開唔開冷氣。Ian又話以前做運動員時好鍾意著短褲，但係入行後經常畀Hellosss Close Up腳毛，先改為多著長褲，但Ian都話心痛Hellosss喺大熱天時排隊等見自己一面！
「模特賢」其後換上粉紅色造型跳唱一系列輕快歌曲，包括《Lost at first sight》、《NPC的一場意外》、《那抹柔光，名為你》，High爆全場！喺獻唱《Growth!》前，Ian分享對成長嘅睇法，仲以揸車嚟比喻，認為每個人嘅「車速」唔一樣，可快可慢，毋須同其他人比較，啱呀！期間Ian呼籲全場起身跳《Growth!》，觀眾都好聽話照做，氣氛超好！快啲睇實況片啦！
