【Viu】Ian@MIRROR、鍾嘉欣今日合體現身美容品牌活動，一開波Ian化身做「Gentle賢」扶住嘉欣落扶手電梯，呢個舉動堅係超窩心！陳總表示距離開騷仲有23日，依家狀態幾好，直入衝刺階段勤力做gym兼練舞，所以過埋呢個活動就閉關㗎啦！
相信Hellosss最最最關心嘅必定係9晚都唔同rundown，唔知個次序係咪跟佢story post出嚟嗰個次序？點解會有呢個決定？對有感好似同時準備緊9個演唱會，陳總搞笑話同細榮都有提蟲嘅感覺㗎，唔知佢自己又最期待邊晚呢？每晚有咩唔同？
至於有關跳舞部分，陳總指膝頭有好返啲，所以都可以跳得比上次更多、更激！佢又笑住賣關子話，如果要佢騷肌就要睇Hellosss嘅反應啦，要除都係好自然咁發生嘅，咁Hellosss要識做啦！
另一邊廂，發現嘉欣喺台上試用產品嗰陣身體出現一撻撻紅印，受訪嗰陣佢解釋係因為發熱，派定心丸指身體並無大礙！之後佢又滔滔不絕咁大讚Ian係才子、乖仔，繼Edan、Ian後，希望下次可以同姜濤合作，再儲齊12塊鏡！
嚟緊嘉欣會繼續走tour，許願紅館快啲批個期畀佢，唱返嚟香港！另外，對好姊妹楊思琦上節目爆拍劇曾被演員集體欺凌，嘉欣有冇留意？佢有冇過相同經歷？「Jo鮑」夏雨被指控拍親熱戲伸脷，嘉欣又有冇聽過？想知嘉欣點答就睇足本訪問啦！
