【Viu】Jason陳柏宇同岑珈其今日出席汽車活動，陳伯獻唱《霸氣情歌》同《旁若無人》；珈其就首度帶同5歲大仔臻臻現身公開活動，嗰對單眼皮真係餅印咁呀！
講到《IT狗2.0》上周圓滿結束，珈其更喺大結局一人分飾四角，包括《IT狗》Kenneth Sir 、《和解在後》鍾信立、《二月廿九》白世繼同《教束》麥浩賢，令網友拍案叫絕！珈其坦言初初收到劇本時已經覺得呢場好痴線，播出後即收到大量Cap圖，仲話為咗呢場戲一晚轉足4個造型同演法，絕對係考牌作！
珈其又話同台前幕後齊齊睇大結局時，感動到眼濕濕，又踢爆Yoshi喊得最勁，仲話自己偏向相信「阿信」重遇「蒙玲」嘅Happy Ending添！珈其高呼想原班人馬再合作，跪求簡導快啲寫劇本開《IT狗》賀歲片咁話！
咦，咁《膠戰》又幾時再開呢？珈其梗係想再同「六膠」拍節目啦，仲爆臻臻最鍾意靚姐姐Hillary，識嘢喎！
此外，Jason爆兩女喺車廂中最鍾意聽「屎尿屁」歌，仲劇透20周年紅館個唱嘅進度，想知就睇足本訪問啦！
