【Viu】「6膠」Edan、Jeffrey、阿正、珈其、肥腸、Hillary今日出席《膠戰S4》記者會，大批Fans冒住3號風球撐場，場面熱鬧！期間6膠互爆秘密，Jeffrey被爆有新花名「大九紅」，Edan仲話Jeffrey好迷信，由底褲至面褲都著粉紅色，仲要著足幾日，珈其仲幫Jeffrey賜名為「粉紅大九紅」，笑爆全場！
至於Jeffrey除咗新朵夠猛外，喺台上仲不停噴口腔清新噴霧，仲揚言係要令其他人舒服喎，又親解狂著粉紅褲同紅底嘅原因，「煨Sir」果然有料到呀！而正姐可以同Jeffrey朝夕相處梗係開心啦，最驚訝係男神素顏都超靚仔，但就怕醜話唔使Jeffrey幫自己噴口喇！
此外，Hillary表示今次為節目破戒食榴槤，Edan同珈其仲爆榴槤園驚魂記。肥腸就話終於唔使同阿正傳緋聞，除咗有「腸嫂」女主播外，呢排仲有超有夫妻相嘅「香城一姐」阿霞添！想笑餐飽就睇足本訪問啦！
