【Viu】舞台劇《三一萬能合》嘅導演朱栢謙、張志敏率一眾演員Sica、凌文龍、麥沛東、岑珈其，今日喺記者會上宣布加開5場，由4月頭起共演出15場！席間6位對應所演角色大玩交換禮物，過程笑到gap gap聲！
Sica喺劇中一人分飾三角，主要角色係護士，係咪有制服誘惑？至於另外兩個角色就分別同小龍、珈其有關聯，小龍大爆同「前度」Sica對親密戲扭親呀，扭親邊度先？高呼enjoy嘅小龍，喺on show嗰陣要唔要加大力度？Sica對被指排戲最癲喪又認唔認同？feel唔feel到係劇寵？「失寵」嘅小龍、麥東、珈其有冇呷醋？
麥東自爆有場讀白長達4頁紙，情緒高低起伏百感交集，已經練到走火入魔！而麥東更被公認係搞笑能手，一出手就足以令全場所有人焗蟹，珈其舉例說明，爆被麥東用身體猛烈撞擊，肉體感覺之外，精神上亦有好大衝擊，咩事咁爆先？
另外，新劇《IT狗2.0》喺開播前set咗個有獎問答熱身賽，設100條、總分700分，關於IT狗嘅勁刁鑽題目，小龍稱IT狗group嘅人好多都唔合格，唔知佢同珈其又敢唔敢挑機？先立flag答中幾多條？記住玩一次就post個結果出嚟啦！大家都在線等你哋！
