【Viu】農夫嘅《全香港最好笑演唱會》今日喺紅館舉行尾場，因為撞正母親節而改開下午場，張家輝同太太關詠荷拖手現身，子華神孖佘詩曼齊齊睇騷，期間全場依照慣例大叫「回水」同「除褲」，農夫即「交波」畀「回水始祖」子華神，仲搞鬼叫阿佘除褲，大癲呀！
尾場邀得JFFT做嘉賓合唱《學海無涯》，床哥搞Gag話睇MC，因為佢哋唔使提詞機；農夫仲自爆16年前首次紅館騷同翼Sir嘅「恩怨」，最後以《再見Fanz》送JFFT落台，期間仲分享同元祖Fans「老死」嘅爆笑往事，估唔到連錢都可以問Fans借㗎！最後農夫以《Rap Along Song》訴心聲，並以《舉高隻手》作結！
完騷後，農夫喺訪問中繼續放笑彈，想睇佢哋分享同古天樂、張家輝、子華神同Twins嘅趣事，記得睇足本訪問喇！
