【Viu】《GRASSHOPPER THREE IN LOVE草蜢演唱會2026》噚晚去到第六場，嘉賓有歌神張學友！學友孖3子合唱完《暫停，開始過》後，蔡一智表示：「自從我哋師傅（梅艷芳）走咗後，我哋就視學友為長輩，有咩都會去問佢。」學友笑指：「我本來唔戴眼鏡上台嘅，但草蜢好似食咗防腐劑咁，出場前台下啲人叫我最好戴返副眼鏡，遮吓啲皺紋、眼袋。」全場爆笑。
學友又大讚草蜢經理人林珊珊：「我上網睇返佢早兩日同你哋唱《再見Puppy Love》，我突然變後生咗，好耐冇試過回春感覺，本來我已死水一池。」其後3子送一面寫咗「學友兄，你是我們唯一傳奇。智、威、傑上」嘅錦旗俾前輩，學友笑指唔可以掛喺睡房，阿智就話：「你掛住一個人就得啦！」學友又爆Seed：「睡房唔掛得嘢要入紙申請㗎！」笑C！
完騷後眾人又為5月3日60歲生日嘅蘇志威倒數「登六」，壽星公更沾沾終於可領樂悠咭。呢晚陳奕迅、鄺美雲、馮允謙、黃淑蔓等捧場更玩埋人浪！想感受草蜢熱血嘅氣氛，入嚟睇片咪得囉！
