【Viu】Jay周杰倫睽違3年零8個月再推出個人最新專輯《太陽之子》，噚日舉行同名新歌MV全球首播兼專輯記者會，MV耗資約1億台幣（折合港幣約2,450萬），當中亦致敬30幅世界名畫，超誇張唷！修身成功嘅周董以一身Deep V黑西裝內裡真空型爆出場，佢表示：「最近的確有控制飲食。」而 「太陽之子」嘅命名原來係歌神張學友對周董嘅暱稱同認證，真係型到裂呀！
周董又指，專輯13首歌中，有為細女Jacinda寫歌，因為佢曾為大女Hathaway寫《前世情人》，囝囝Romeo亦有《粉色海洋》，當然細女都要一首關於佢嘅歌啦！周董仲透露專輯其中一首情歌，MV大癲到曝光佢當年同昆凌喺英國古堡求婚嘅畫面。
周董又預告新嘅巡演即將啟航，rundown會加入新歌，粉絲亦表示期待偶像舉辦久違嘅簽唱會，近期迷上打網球嘅周董即笑指：「如果把打網球的時間拿掉，應該可以，在網球場辦也可以。」想睇更多周董帥帥一面，入嚟睇現場實況片啦！
