〈好食〉母親節餐廳推介2023　10大放題抵食自助餐優惠

【A&M Diary】2023年母親食乜好？諗好同Mummy去邊度食飯慶祝未呢？A姐知道天下間好多Mummy都唔鍾意出街食，特別係一年一度嘅母親節，主要原因都係想幫你慳住荷包嘅藉口，所以要滿足Mummy們唔難，我哋介紹10間抵食又好味嘅任食點心、海鮮火鍋同酒店自助餐俾大家啦！

母親節餐廳推介2023 | 點心放題
母親節餐廳推介2023 | 點心放題 | 1. 九龍海逸君綽酒店海雲天
地址：紅磡德豐街20號九龍海逸君綽酒店2樓

母親節餐廳推介2023 | 點心放題 | 望住海景嘆茶食點心，加上酒店級數服務，真係無得輸！位於九龍海逸君綽酒店嘅海雲天一直都係其中一間人氣熱門嘅任食點心餐廳，海雲天嘅點心放題不斷一向創新，繼芫茜、黑松露、芝士、生果、星馬泰等主題後，今期就推出懷舊失傳點心，以七、八十年代嘅經典點心為主題，Mommy一定食得好開心。

母親節餐廳推介2023 | 點心放題 | 2. 萬鎔少館
地址：銅鑼灣霎東街33號智選假日酒店2樓

母親節餐廳推介2023 | 點心放題 | 萬鎔少館點心放題提供超過40款小菜點心美食，任食點心包括鮮蝦蟹籽燒賣、醬皇蒸鳳爪、山竹牛肉球、豉汁蒸排骨、奶皇包、椰汁流心球、脆皮奶卷、煎紅豆馬蹄糕、紅棗糕、酸辣汁雞中翼、鮑汁鳳爪、胡椒味菜豬肚、鹽酥雞、金腿律菜、吉列鳳尾蝦、秘製麻辣手拍青瓜、萬鎔炒飯、瑤柱金菇炆伊麵、薑蔥雪花安格斯牛撈粗等。除此之外，每人另可享胡椒雞湯灌湯餃及翡翠蝦餃皇，非常豐富！

母親節餐廳推介2023 | 點心放題 | 3. 九龍酒店龍逸軒
地址：尖沙咀彌敦道19-21號九龍酒店2樓龍逸軒

母親節餐廳推介2023 | 點心放題 | 九龍酒店龍逸軒除咗傳統點心之外，近期將點心放題嘅菜單upgrade，推出原隻鮑魚燉菜膽湯、香煎京蔥爆和牛包、沖繩黑糖豆蓉流沙煎堆、黑椒雞粒盒子、沙嗲馬蹄牛肉腸粉、香煎金粟牛肉餅、松露石榴球等，啱晒鍾意新鮮感嘅Mommy慶祝母親節！

母親節餐廳推介2023 | 海鮮火鍋
母親節餐廳推介2023 | 海鮮火鍋 | 4. 緣味小聚
地址：旺角彌敦道575號LADDER Dundas 9樓、銅鑼灣記利佐治街1號金百利廣場7樓R4號舖、觀塘偉業街93號93WYS 20樓

母親節餐廳推介2023 | 海鮮火鍋 | 主打新鮮海鮮嘅緣味小聚，對於海鮮要求相當高，就連時間控制都由店員負責，務求令大家品嘗到最鮮甜嘅海鮮！至於放題嘅美食有生猛厚肉龍蝦、韓國大鮑魚、澳洲M5和牛、安格斯牛肩胛、安格斯靚肥牛、西班牙黑毛豬、蟲草花走地雞等，重點當然唔可以錯過精華所在嘅椰皇水粥底鍋啦！

母親節餐廳推介2023 | 酒店自助餐
母親節餐廳推介2023 | 酒店自助餐 | 5. 海洋公園萬豪酒店海灣餐廳
地址：黃竹坑黃竹坑道180號香港海洋公園萬豪酒店海灣地下

母親節餐廳推介2023 | 酒店自助餐 | 喺主題公園嘅酒店食自助餐，總係有一種魔力！帶Mommy去主題公園食母親節大餐，讓Mommy重拾青春童真啦！海洋公園萬豪酒店海灣餐廳嘅食物選擇非常多，海鮮仲係WWF指認嘅「環保海鮮」！食buffet嘅回本位點少得海鮮冷盤呢？呢度有珍寶蟹、波士頓龍蝦、雪場蟹蟹腳、海蝦、翡翠螺、東風螺、蜆同藍殼青口等等。海鮮啖啖肉，新鮮無雪味，食幾隻波士頓龍蝦都夠晒回本喇。

母親節餐廳推介2023 | 酒店自助餐 | 6. 歴山酒店歷山餐廳
地址：北角城市花園道32號歷山酒店大堂樓層

母親節餐廳推介2023 | 酒店自助餐 | 歷山餐廳嘅自助餐又有更新喇，喺母親節期間就增添多款中式選擇，菜式包括蟲草花螺頭燉雞湯、杞子圓肉燉桃膠、家鄉煎藕餅、甜酸菊花魚柳等；當然仲有唔少海鮮冷盤同美食，例如：冰鎮海鮮、雜錦壽司及刺身、法式香草燒羊鞍及各式中西美饌包括玉子豆腐扒花膠、泰式辣椒膏炒青口、黃金單骨雞翼、星洲胡椒蝦、南瓜豉蒜蒸排骨等。

母親節餐廳推介2023 | 酒店自助餐 | 7. 太子酒店SAVVY
地址：尖沙咀廣東道3-27號海港城港威商場3樓GW3209A號舖

母親節餐廳推介2023 | 酒店自助餐 | 太子酒店近期翻新重開後，SAVVY一直都喺我哋嘅bucket list之內，因為SAVVY充滿格調，氣氛環境唔錯。餐廳分為唔同區域，有海鮮、沙律冷盤、餐湯、切肉熱葷、甜品等等之外，仲會由店員以pass around形式嘅精選食物。海鮮包括龍蝦、大蜆、青口、小龍蝦、麵包蟹等。但佢嘅最大賣點係呢度由東南亞同印度大廚主理嘅家鄉馬拉菜同印度咖喱。

母親節餐廳推介2023 | 酒店自助餐 | 8. 荃灣西如心酒店Café Circles
地址：香港荃灣楊屋道8號荃灣西如心酒店9樓=

母親節餐廳推介2023 | 酒店自助餐 |荃灣西如心酒店嘅Café Circles最大賣點就係物超所值，Mommy實覺得你係叻仔叻女啦！海鮮冷盤選擇有長腳蟹蟹腳、螺、青口、蝦同小龍蝦等，全部都好新鮮，仲帶有淡淡嘅海水味。刺身除咗常見嘅三文魚、吞拿魚，希靈魚、北寄貝之外，仲有我最鍾意嘅甜蝦！另外，酒店不定期都會更新自助餐主題，好似之前嘅日式同味遊意大利主題！