【Now新聞台】截至早上11時，1小時内《彭博》用戶關注度上升最多的港股依次為兗州煤業、中煤能源、富力地產、五礦資源及世茂集團。
兗州煤業噚日收市公布未來5至10年嘅發展戰略綱要，五大重點包括年產3億噸煤炭同拓展其他金屬領域、新材料及高端產品佔年產量70%以上、進軍新能源、高端裝備製造產業、及智能物流，都食正國家長遠正策。股價就相當興奮，現實係咪真係咁睇好?
英皇證券銷售部副總裁林建華表示，5至10年嘅計劃好難預計達唔達標，最緊要個計劃夠宏大。佢表示，兗煤喺資金上無需擔憂，喺國策扶持之下，國家開發銀行嘅借貸成本相信好優惠。Anthony相信，兗煤要喺咁弱嘅大市中破頂相信好難，預計只可短炒一、兩日。
