【Now新聞台】截至早上11點，1小時内《彭博》用戶關注度上升最多的港股，依次為世茂集團、特步國際、永利澳門、中國移動及融創服務。
中移動係榜上少數逆市升嘅股份。公司回A嘅IPO批文出咗，擬集資560億元人仔，披露埋今年純利預計最多按年升約8%至1164億元人仔，業績算幾靚仔。公司股價今朝一度升近2%至47.2元，半日報46.45元。
參考同業中國電信回A前後曾炒上過3蚊樓上，都有10%至20%升幅。近期股價處於低位嘅中移動係咪都可以借回A概念轉強？
京華山一國際研究部主管彭偉新就覺得有難度，因為中移動嘅規模大過中電信同中國聯通，資本開支(CAPEX)亦會更高，令毛利率不及另外2間；加上當時中電信Ｈ股估值被嚴重低估，回A後才會帶動埋H股。
