【Now新聞台】截至早上11時止，《彭博》系統Top search No.1 為中銀香港、永利澳門、兗州煤業 、銀河娛樂及五礦資源。
喺咁多間出咗業績嘅本地銀行中，雖然中銀舊年盈利增幅唔係特別大，但勝在盈利創新高，仲有大行唱好。不過，暫時只得中金上調中銀目標價，最新睇50元，外資大行多數維持目標價不變。
耀才證券研究部總監植耀輝話，中銀第三季嘅業務發展都幾令人失望，即使大市反彈，但中銀股價都彈得唔多，好彩今次份業績有返啲驚喜，令人憧憬最壞時間已經過咗。雖然中銀攞到虛擬銀行牌，但Stanley提醒，對中銀業務發展有咩幫助，現階段都仲只係靠估。
