【Viu】以「IU鐵粉」為人所知的歌手兼作曲家劉在煥在上星期宣布婚訊後，卻陷入詐騙和性騷擾的嫌疑。即睇Viu《K1韓娛新聞 2024》！

【Now.com】台灣天團五月天昨天（1日）緊急宣布因惡劣天氣及舞台設施故障等原因，爲確保觀眾、工作人員，以及藝人的安全，決定將5月1日的場次延至同月9日演出。另外，主辦單位亦表示會提供退票、退款、換票，和交通酒店補貼等多個解決方案，令不少粉絲表示感動。

【Viu】TWICE志效日前在節目預告片中現身，影片拍攝手法疑似影射同隊成員子瑜八年前就台獨爭議的道歉影片，惹韓台網民炮轟。即睇Viu《K1韓娛新聞 2024》！

【Viu】談善言同Thor駱振偉喺《打天下2》譜出一段分叉的感情線，介入AK飾演嘅關志浩同阿談飾演嘅莊惠之間，睇到各位觀眾都心癢癢呀！不過，喺現實中得到阿談「心心眼」嘅靚仔就另有其人喇，係咪好想知呢？

除咗感情線吸睛，Thor嘅打戲同樣精彩，由《繩角》嚟到《打天下2》，估唔到大師兄都畀MMA動作考起，仲話睇返先識驚呀！阿談仲暢談受傷嘅心路歷程，有笑有淚，聽到小編無限Respect！大家今晚煲劇前記得loop爆呢個專訪喇！

【Viu】台灣天團五月天一向勁寵香港「五迷」，每年堅守「五月之約」嘅約定嚟香港開騷！不過今年巡唱香港站頭場日子定喺尋晚4月30日，五子搞笑形容為「五月之約搶先場」，其實你哋幾時嚟香港開騷，五迷都絕對無任歡迎呀！

事隔一年再見香港五迷，五子笑話開騷前個感覺都唔太真實，直到真係踩上舞台就好sure身在香港，特別係成員瑪莎，佢大笑話由唱第二首歌開始就全身濕透，爆汗勁sexy，呢個就係香港專屬嘅濕熱天氣！

呢次五月天一共會開7場中環海濱騷，五子指呢段時間都會stay喺香港，成員冠佑話出街會有五迷同佢揮手，主音阿信即刻笑問係咪喺餐廳？係咪想叫話幫手埋單？笑cry呀！

適逢五月天今年出道25周年，佢哋以時光機做概念，同五迷去返以前，熱唱多首經典金曲，送五迷驚喜！獻唱《戀愛ING》時，佢哋仲坐住一部紅色辣跑，駛出台前勁近五迷，令全場2萬五迷high爆齊喊：「LOVE！」當然唔少得點歌環節，唔少五迷落足心機整banner吸引五子注意，成功點唱《勇敢》、《好不好》、《彩虹》、《後青春期的詩》4首歌！另外，雖然天文台預告會落雨，但大半場騷都勁好天，五子自爆勁擔心天氣，一直都避開唔講個「雨」字，不過到最後都走唔甩，撞正黃色暴雨警告信號，首場個唱喺暴風雨之雨提早結束！

【Viu】繼早前的BOYNEXTDOOR後，這次《K1韓娛》為大家帶來另一出席KCON的組合ATEEZ的專訪，和八位成員大玩遊戲，一起來看看成員們在遊戲中的表現如何吧！

【Viu】姜濤，生日快樂！今日係430姜濤誕嘅大日子，姜濤香港後援會今日繼續舉辦《430 姜濤生日 電車免費乘車日》，數十名幸運姜糖朝早登上「姜濤號」暢遊港島，沿途大唱生日歌，祝賀姜Admin 25歲生日。當「姜濤號」駛入「姜濤灣」嗰陣，電車路兩旁企滿姜糖，迫爆姜濤灣，萬人空巷呀！

最神奇係原本落緊微微雨，但當「姜濤號」一入到「姜濤灣」就放晴，同上次海洋公園生日Party一樣，姜Admin似乎有潛質做「太陽之子」喎！而「姜濤灣」各個打卡點都佈滿打卡嘅「姜家人」，Happy Keung To’s Day！

鏡頭一轉嚟到尖沙咀商場！FC喺「430」呢日額外準備咗份生日禮物送畀姜Admin，就係喺商場戶外大電視狂loop住姜姜靚仔片，仲有小濤濤Figure公仔同4款小濤濤銅幣出售，現場仲「野生捕獲」4歲半嘅「小姜糖」芊潼，cute爆唱《蒙著嘴說愛你》向姜Admin告白，一直恨生女嘅姜濤一定開心仔咯！

至於壽星姜噚晚就喺限時動態倒數24歲嘅最後3小時，仲贈送運動後嘅鬚根Look，今朝晨咁就去跑步，相信大家都見到姜Man Fit咗好多啦！

【Viu】旗安84在節目上的情景劇演出竟點煙，令在場主持人大驚。即睇Viu《K1韓娛新聞 2024》！

【Now.com】樂壇天后容祖兒（Joey）近年將工作重心轉移至內地市場，相隔3年，Joey昨日（29日）再次推出全新廣東歌！容祖兒今年首支派台作品《九秒九》昨日上架，歌曲找來黃偉文（Wyman）填詞及湯令山（Gareth. T）作曲。新歌延續了Gareth. T去年派台作《緊急聯絡人》的故事，新歌MV中Joey更首次挑戰「一鏡到底」！

【Viu】Code Kunst宣布離開所屬公司AOMG，AOMG又一藝人離開。即睇Viu《K1韓娛新聞 2024》！

【Viu】歌手Paul Kim昨日（25日）公開手寫信，宣布將與拍拖9年的女朋友結婚。即睇Viu《K1韓娛新聞 2024》！

【Now.com】張敬軒、COLLAR成員Candy、Day、Ivy So及樂隊Pandora昨日（28日）擔任《富衛保險冠軍賽馬日》表演嘉賓，獲大批粉絲入場支持。其中「軒公」張敬軒更大唱3首歌曲為賽事揭開序幕，又向在場粉絲揮手打招呼，表示感覺有如在紅館開騷一樣。3位COLLAR成員就指即使第二次入馬場仍難掩雀躍。首次入馬場表演的Pandora三子就大感興奮。

【Viu】MIRROR又飛喇！12子今朝又晨咁早現身機場，出發往新加坡，繼續《MIRROR FEEL THE PASSION CONCERT TOUR 2024》亞洲站。第一個達陣嘅Anson Lo、Jeremy，話希望有時間去魚尾獅公園睇噴水打卡；而聽日25歲生日嘅姜濤就講明希望食好西，Ian扮唔在乎話「冇咩表示」，小編唔信囉！

Edan講明會送姜姜「黑圖大禮」，「睇吓佢喺飛機有咩表現啦！」仲幫小編驗吓大表哥腹肌，睇吓有冇喺台灣食肥到先！新加坡咁熱，Stanley笑言呢幾日唔打算着衫，喂呀可摸耳帶埋小編去呀？但Jer就大膽喇，佢話最近fit咗，要同大表波挑機喎！咁好笑得唔得㗎？你哋都入嚟睇吓現場實況片一齊笑啦！

【Viu】電影《九龍城寨之圍城》未正式上映，早排慈善首映禮已傳出好口碑，當中由頭打到落尾嘅「Kowloon 4」之首林峯仲睇好角逐金像獎影帝添！而呢齣由出爐金像獎「最佳導演」鄭保瑞執導嘅新片，以打足100分鐘作為號召，「城寨四少」林峯、劉俊謙、胡子彤同張文傑分享拍攝辛酸，單係訓練時已經練到真嘔，連有功夫底子嘅張文傑都話non stop fighting搞到腳仔軟呀！至於林峯就由2樓叉錯腳跌落1樓；劉謙就畀電單車條喉焫傷腳；胡子彤仲差啲往生添呀！

不過，四子就打出真感情，喺化妝間互相扶持同share按摩槍，仲friend到爆肚演出，笑Cry呀！講到故事講述佢哋守護城寨，四子大談心目中最想守護嘅人事物，至於被古天樂點名「接棒做大佬」嘅劉謙，仲搞鬼回應榮升「劉老闆」嘅感受，又獲「露股始祖」林峯激讚，至威係你啦！

【Viu】完騷後，陳零九同邱鋒澤大讚香港歌迷熱情，仲話邀請歌迷上台近距離互動兼獻唱《偷走你的心》係臨時加插，好寵粉呀！講到九澤喺台上抛戒指同餘物落台畀「電燈泡」留念，若然歌迷想要條褲留念又點算呢？九澤就好識玩咁見招拆招喇！

【Viu】《九澤CP 愛在你身邊LOVE GAME 巡迴演唱會香港站》今晚尾場，陳零九同邱鋒澤唱盡經典金曲，適逢今日係邱鋒澤出道10周年，蛋糕是必須的！邱鋒澤即席許願，希望各位「電燈泡」能夠平安、健康、快樂，仲希望自己嘅音樂可以一直陪伴大家，九澤合體切蛋糕時仲爆笑嗌：「好硬！」喂呀！小編到底聽咗啲乜呀？

九澤同全場Fans大合照後，隨即送上第一隻碟嘅歌曲包括《第四象限》，聽到大家啲回憶返晒嚟呀！兩位同Fans盡訴心中情後，以大熱歌曲《天黑請閉眼》作結，仲話希望五堅情將來可以進軍紅館，等你哋呀！

【Viu】張敬軒、COLLAR成員Candy、Day、Ivy So同樂隊Pandora今日出席馬場活動，軒公笑談「透視褲Look」有助偏財運，仲自爆騎乘功夫了得，同埋「騎到腳軟」嘅趣事，又話如果之後養馬要取名為「軒軒有力」或「靚軒王」，笑Cry呀！

講到喺洪嘉豪演唱會做嘉賓兼送大禮，軒公親解用意，仲話自己為咗營運歌迷會都要讀書深造，Respect呀！至於廣州近日暴雨成災，軒公就話媽咪已經獨留家中4日，開始要食罐頭喇！

此外，COLLAR暢談台灣之行嘅趣事，除咗Ivy同Day成功考咗潛水牌，仲遇上地震；Candy就成功冧掂台灣Fans，想知更多就睇足本訪問啦！

【Viu】張敬軒今日去馬唱出席保險活動，獻唱三首金曲《騷靈情歌》、《青春告別式》同《青春常駐》，雖然天陰有雨，依然無損軒公同「澱粉」嘅熱情，軒公仲將馬場當紅館，同「山頂嘅朋友」打招呼，又自爆同馬場嘅淵源，想知點解同聽靚歌就睇現場實況啦

【Viu】《港樂50．友弦樂聚》首場音樂會圓滿結束，騷後Anthony倫永亮、葉麗儀、陳潔靈夥香港管弦樂團指揮家廖國敏一齊受訪，Anthony話對上一次同憶蓮同台已經係「咸豐年」，仲笑話憶蓮咁感觸，係因為諗起佢哋20年前嘅往事。

樂壇前輩葉麗儀透露今次係首度跟香港管弦樂團合作，既緊張又興奮，唱Ending時更不慎跌咪添！

而Jay Fung 、Cloud同Oscar就話今晚分別唱林子祥、張敬軒同側田嘅金曲，簡直係壓力山大，Jay仲搞笑話媽咪有睇佢同葉麗儀、陳潔靈合唱《千個太陽》嘅片短，話前輩唱得好，但冇讚佢喎！3位表示最想去後台搵憶蓮集郵，咁會唔會補返個Brithday kiss俾剛踏入58歲生日（4月26日）嘅憶蓮？聽吓佢哋講咩啦！

【Viu】香港管弦樂團慶祝50周年，今晚喺紅館舉行《港樂50．友弦樂聚》首場音樂會，神隱4年冇喺香港開騷嘅林憶蓮，夥老友倫永亮炸爆台。Keep得勁好嘅憶蓮黑色西裝褸入面係喱士透黑Bra，若隱若現巧Sexy呀！

憶蓮人靚聲甜，孖倫永亮先以Medley《每一個早上》、《早晨》、《心田》、《依然》開開聲，二人唱足大半場，憶蓮更多次感觸眼濕濕。

Ending由葉麗儀、陳潔靈、馮允謙 、雲浩影 、涂毓麟以《千個太陽》作結。想聽憶蓮靚聲，入嚟Loop爆條片啦！