【Viu】MIRROR為《12怪盜》謝票，Lokman 同Jer嚟到荃灣站，佢哋有好消息宣布，票房已衝破1500萬！現場鏡粉即期望開拍續集，仲想12子一齊露腹肌，咁有睇頭得唔得架？比入行前做記者時「大隻」咗好多嘅Jer即落閘，話要視乎劇情。

今日係謝票last day，Lokman話好唔捨得，同Jer一齊分享拍攝時候嘅得著同難忘事，感激幕後動作演員嘅辛勞，仲爆12子鬧交場戲，Jer話圍讀時已火藥味十足，未見過Lokman 情緒大爆發，更一度拉唔開Edan同Stanley，並自爆自己為一個鏡頭NG14次！對於今日多咗兩位新晉「實Q」傍實，Jer話自己好被動，想睇更多分享記得睇片。

【Viu】193郭嘉駿今日快閃幾個站嘅「B出口」宣傳新歌《B出口》，大批老婆「聞3而至」，嚟到中環，老婆們仲幫33派傳單宣傳新歌，除咗用英文呼籲外國遊客試聽《B出口》外，又用港普高呼：「香港頂流193！」笑到3爺對腰果眼飛晒出嚟，創意十足呀！向來寵粉嘅3爺仲大方送上Free Hug畀幸運老婆，令現場尖叫聲四起，最後老婆們大合唱《B出口》恭送3爺，好溫馨呀！

首次快閃鬧市宣傳嘅193，大呼好玩，仲暢談攬老婆嘅感受，到底Jeng唔Jeng呢？睇足本訪問等你哋老公親自解說啦！

【Viu】《12怪盜》謝票今日嚟到沙田站，有「華安」Edan同Dee哥合體！今日係愚人節，Edan總會諗到計仔氹大家開心，佢哋化身「呂保安」同「華保安」，戴晒cap帽、黑衫黑褲混入保安群中出場，差啲連小編都呃埋，勁呀！唔止呀，原來兩位保安喺出現戲院前，已經為另一場謝票成員Jer做真‧保安護航，一路上啲鏡粉都冇發現，係勁上加勁！

Edan今日推出新歌《油麻地莎士比亞》，Dee哥最近又幫193新歌執導，兩人互相幫對方宣傳，真係兄弟世一！有fans問MIRROR X ERROR 16子如果拍續集，咁ERROR應該有咩技能？Edan話Dee應該同Ian一樣「大腦擔當」，做一啲策劃性角色，保錡就瘋狂跑步，Dee就話肥仔技能係食晒啲廚餘，笑cry呀，但193因一事唔畀出現咁陰功豬，想知就要睇訪問片嘞。

【Viu】今日MIRR1OR謝票仲有Ian同Tiger，Ian因為眼仔唔舒服而戴上黑超現身，令「模特賢」Chok上加Chok；虎仔就笑容滿面，幫Fans叉足電！問到虎仔如果再做導演，想搵Ian演咩角色？佢就話覺得Ian喺《12怪盜》入面揸車好有型，希望再搵Bro拍飛車戲，Fans聞言大叫：「車埋我哋！」Ian即搞Gag話要學揸地鐵先載得晒咁多Fans，So funny！Ian又分享現實中想設計啲咩有趣發明，估唔到兩位都係走實用路線呀吓！想知Ian同Tiger對謝票有咩感受？係愛定係責任？Ian今朝又錄咩新歌？睇現場實況就知啦！

【Viu】MIRROR今日繼續為《12怪盜》謝票，率先有「大表姜」孖咇放笑彈，仲獲全場Fans大叫口號恭喜新片票房已經衝破1200萬，開心仔！當Fans問到如果開續集，兩位想同邊位做拍檔同偷乜嘢時？大表姜希望續集繼續「打風都打唔甩」，姜濤仲施冧功話：「偷大家嘅心！」又獻計畀Stanley講：「偷偷喜歡你！」其後佢哋又分享現實中會用咩技能去等價交換角色嘅技能？姜濤即笑言要用「一食就肥」嘅技能去換催眠技能，喂呀！估唔到晨早起身嘅大表姜依然風趣！

最後Stanley同姜濤都為Jeremy被指嬲豬一事平反，澄清米米只係緊張大家嘅安全，Stanley仲笑言喺麻雀枱就會見到Jeremy嘅真脾氣喇，啱呀！正所謂牌品好即係人品好呀嘛！

【Viu】台灣男神許光漢同日本女星清原果耶今日喺香港，為新片《青春18×2 通往有你的旅程》現身《第四十八屆香港國際電影節》紅地氈，吸引大批「許太太」瘋狂尖叫撐「許老公」，超High呀！首次來港宣傳嘅清原，自爆一到埗就食咗燒賣，又叫小編推介地道美食，Kawaii呢！光漢聞言即推薦菠蘿油，仲話今次會喺香港留多幾日，但避談係咪嚟拍電影。

【Viu】《12怪盜》是日最後一組怪盜小隊出場！有請怪盜Ian、Lokman、Frankie，而睇呢場電影嘅鏡粉真係超超超熱情，一見男神sss就嗌破喉嚨，絕不留聲！三子先分別推介「螞蟻舞」、MIRROR出場、爆破呢三大場口，之後仲有講到拍攝嘅難忘事！

【Viu】吳君如、MC張天賦同張錦程等今日為新片《我談的那場戀愛》亮相《第四十八屆香港國際電影節》紅地氈，首次為電影行紅地氈嘅MC，坦承比同君如拍戲緊張，亦唔敢自評演出值幾多分；反而君如就大讚MC嘅演出有9.9分，仲親自還原當初喺演唱會被電親嘅過程。

講到戲中老公張錦程嘅造型似足現實老公陳可辛，君如笑言大家都好鍾意模仿佢老公，又爆阿女嚟撐場係為咗MC，仲推薦阿女跟MC學唱歌，有品味呀！

【Viu】《12怪盜》謝票咁Happy，唔好畀佢停啦！今日旺角站有AK x Edan x Alton呢3位怪盜，喺鏡粉嘅尖叫聲下登場！佢哋一嚟先分享今次拍戲有咩挑戰，AK話係同狗狗對戲；Alton就話係打交場面；而Edan笑話最大挑戰係同兩位「影壇大前輩」對戲，係咪好想知Edan講邊兩位成員呢？之後佢哋又推薦最正嘅場口！

呢場嘅問答遊戲環節笑爆肚！第一條就已經超有創意，就係問如果畀佢哋喺鏡粉身上偷一樣嘢，會想偷咩？AK行實際路線話要錢！Alton、Edan又點答呢？第二條係票房好，派咩福利畀鏡粉？腦筋急轉彎嘅Edan話想搞個運動會，反轉同鏡粉應援，咁好似水運會吸引啲喎！AK都畀咗個perfect answer出嚟㗎！首嚐謝票滋味嘅Alton，笑話喺兩位前輩身上學到好多嘢！而自爆轉頭開05嘅AK，慘慘豬話仲未諗到食咩，自己幫自己打氣「奸爸嗲」！去片睇實況啦！

【Viu】今日《12怪盜》謝票小隊有「教主」Anson Lo x Jer x Tiger！去到主場九龍灣站，鏡粉超熱情，三子一嚟就深情對話，Jer話希望電影開一個系列，12子齊齊周遊列國做動作演員，更推薦教主跳巴士添！即刻有畫面！

【Viu】MIRROR今日趁復活節連假開始分成4組為《12怪盜》謝票，姜濤、Stanley同Jeremy以「大表姜 x 巨龍與豬仔」呢個Crossover現身，大表哥全程化身「氣氛擔當」，除咗模仿Fans興奮到彈起嘅情況，又不時同姜姜、豬仔「耍花槍」，又笑認唔想唱「螞蟻歌」，笑爆全場！

當觀眾問「大表姜」將來想合作做咩角色時，Jeremy即刻「讓愛」畀「大表姜」當場結婚，仲話自己係「證婚人」，姜姜即刻興奮捉實大表哥手仔，笑Cry呀！小編當然再幫大家追問Stanley「情歸何處」，而大表哥亦同大部份男人一樣，身體最誠實！想笑住放假就睇現場實況喇！

【Viu】George@P1X3L喺啱啱嘅白色情人節宣布正式單飛，推solo歌《BF》，最幸福嘅非「Pandas」莫屬，等呢日等到個個都變晒長頸鹿！作為第一首嘅solo歌，佐治攝高枕頭諗咗好耐，最後決定以「一見鍾情」為主題，仲搵嚟「巴打」Billy Choi填詞，佐治更話請食飯就一定走唔甩，希望之後可以同呢位巴打出合唱歌，講過就係㗎啦！唔好走數呀！

佐治笑話出歌當日爆緊張，好彩事前有兩位solo「前輩」Phoebus、Marco同佢打打氣，最感動係聽到兄弟s講邊一句comment？嗰句說話威力大到增添George嘅自信心呀！

而呢次專訪嘅戲肉就係聽佐治講秘密，透過「5秒定律」小遊戲自爆拍過幾多次拖？用過嘅追女招數？有冇試過做兵？第一眼望女仔嘅邊個部位？會叫女朋友咩暱稱？佐治激罕公開愛情世界，快啲去片聽吓自己有冇機做男神嘅女朋友啦！

【Viu】Stephy鄧麗欣今晚孖台灣男神劉以豪喺奧海城現身《白晝如焚》首映，二人勁有默契玩中門大開，以豪解釋純粹左右兩邊唔性感所以露中間，好Cute呀！

Stephy又話呢套戲最難係一人分飾兩角，仲分別要講國語同廣東話，混亂到有時以豪都叫錯佢名添！男神又爆Stephy喺片場教佢講廣東話「你以為你係邊個」，又即席表演「Sit聽唔Sit講」，笑C！

而呂良偉就大讚Gladys李靖筠聰明，二人飾演警察兩師徒，呂哥更笑Gladys「營養不良」，所以成日請對方食飯。而Gladys就話為Madam角色刻意剪短髮更似男仔頭，勁專業。

【Viu】電影《12怪盜》首日上映第三group謝票小隊，有怪盜AK同怪盜Jer！嚟到又一城嘅第一場映前謝票，兩位怪盜chok爆現身，全場生粉、柳柳粉尖叫歡迎！Jer大爆原來每場嘅彩蛋都唔同，叫鏡粉們落足眼力兼做統計，呢件事真係大癲！

去到問答環節，有生粉問AK仲想同咩動物，發動佢嘅動物傳心技能？相信冇人會估到老闆會答呢種動物，係有啲料到！之後輪到柳柳粉發問，相信呢位柳柳粉比起電影內容，更關心金Jer有冇食飽飽，一句：「你食咗飯未呀？」超sweet！另一位就問Jer、AK最唔想同邊位隊友拍對手戲？想知佢哋答咗啲咩？咁就要睇片啦！

【Viu】繼續為大家直擊電影《12怪盜》首日上映，「鏡仔」分組謝票現場情況！去到元朗有怪盜Lo同怪盜Frankie小隊，神徒同皮寶寶一早就坐爆戲院等候佢哋現身！教主同Frankie一嚟就大派心心，冧鏡粉果然有一手！

佢哋除咗開心share拍攝趣事之外，仲同兩位極幸運嘅鏡粉玩遊戲添！Frankie先自爆喺最後打交場口，直立打關斗take咗4、5次，last嗰take仲唔小心踩爛牆，睇唔出Frankie有對大力腳！而Anson Lo就被問到想被叫「怪盜Lo」，抑或「怪盜撈撈豬」？完成元朗站兩位怪盜即嗌開飯，咁唔知佢哋今日會食幾多餐？去片聽Anson Lo、Frankie點答啦！

【Viu】前T-ara成員雅凜在今日（27日）凌晨企圖自殺，幸被救回送到醫院，但仍未恢復意識。即睇Viu《K1韓娛新聞 2024》！

【Viu】MIRROR今日第一日開始分頭出動，展開首度齊腳主演嘅電影《12怪盜》謝票之旅。Ian孖住隊長Lokman現身太古城戲院，仲同鏡粉玩問答遊戲同大合照。

Ian暖男上身，繼首映禮時叮囑鏡粉唔好因為追謝票搞到太辛苦，今日佢又話擔心Fans陪12子謝票搞到好攰，勁有愛呀！佢仲話除咗自己嘅「怪盜Ian」角色之外，最想做阿卵楊偉倫嘅角色。而Lokman就話好鍾意戲裏面爆破角色，夠污糟同油淋淋咁話！

【Now.com】90年代本地玉女歌手黎明詩（Stephanie）因癌離世，終年58歲。據報黎明詩積極抗癌大半年，今早於睡夢中離開。

【Viu】早前因為認愛柳俊烈而形象插水的韓素希，接連被代言品牌宣布不再續約。在昨日（26日）有傳其中一個「國民級」燒酒代言將由金智媛取代韓素希，成為新的代言人。即睇Viu《K1韓娛新聞 2024》！

【Viu】ViuTV最長壽自家劇集《瑪嘉烈與大衛》，最新系列《絲絲》由Fish廖子妤、Peter陳湛文、Michelle衛詩雅，加埋台灣金鐘影帝兼男神傅孟柏接棒主演，一睇呢個組合就知猛料，事關全部都係演得之人！

數到今次喺劇入面最幸福嗰個就一定係Peter，周璇喺兩大美女Fish、Michelle之間，應該係前世成日扶阿婆過馬路啦！不過，心水情嘅你，可能會記起，Peter同Fish喺電影《飯戲攻心》入面係飾演母子，咁⋯佢哋咪「亂倫」？媽阿！好亂呀！

至於最「性（普通話：幸）」福嘅就肯定係Fish！一提起佢同孟柏嘅火辣肉搏戲，猛吞晒口水嗌「正」，果然身體係最誠實！連帶同男神零親熱戲嘅Michelle，都話見到對方會心跳加速！睇嚟兩位女神完全墮入「孟柏陷阱」，難怪Peter一副生意失敗look舉白旗認輸，會唔會太搞笑？另外，Fish、Peter講到同角色差異甚大，抵死笑話有幾度想煎巴個角色！唔知喺現實中，Fish會揀大衛（Peter）、烈火（孟柏）、抑或係小野？而Michelle又為呢次演出，解鎖咗咩新技能？去片搵答案！