【A&M Diary】旺角，人多車多，所以我A姐真係好少去旺角，反而會選擇去過少少嘅太子，喺街角小巷尋寶，搵到好多特色小店。今日，就去咗試一試Victoria Restaurant。
意大利鮮牛肝菌泡沫忌廉湯
嘩！一嚟到，就聞到好香菇味。入口香滑，好Creamy，仲有六七片蘑菇，又有得飲，又有嘢咬下，口感豐富，好足料。
特色麵包
三款麵包都係暖笠笠，而且仲好脆口，香草味濃，配埋個湯，Perfect！
黑豚鞍架伴無花果肉汁
厚切黑豚鞍架，啖啖肉，爽口肉汁豐富，最鍾意邊位嘅脂肪，好香油脂味，點埋甜甜哋嘅無花果汁，吊出豚肉嘅鮮味。配菜一樣吸引，薯仔連皮烤焗，非常香口，青瓜同雞肶菇加入香草，烤得啱啱好。
燒檸香脆皮地中海黃油雞
半隻黃油雞，燒到啱啱好，外皮香脆，裏面嘅雞肉啱啱熟，嫩滑多汁，不過唔係好覺有檸檬味，似普通燒雞。配菜同極黑豚鞍架一樣，正。
