【A&M Diary】今次我哋間餐廳喺橫欄島以南同汕尾以南咩，咁未要搭飛機同坐船先去到？非也！其實南越南咖啡廳位於旺角嘅彌敦道，只係餐廳嘅越南菜非常正宗，味蕾好似去咗橫欄島以南同汕尾以南嘅越南呀！講到越南菜，通常都會諗起扎肉同牛河，但南越南咖啡廳亦推出唔少新派越南菜，充滿特色。
脆米紙薄餅
脆脆嘅米紙上鋪滿紅蘿蔔、青瓜絲、臘腸粒，再淋上千島醬，整個脆米紙薄餅充滿口感，而加上千島醬嘅點啜，味道相當唔錯。
越式惹味粟米條
燒烤過嘅粟米特別香甜，加上惹味燒烤汁，夠晒開胃。但廚師非常細心，粟米預先起肉，所以食得非常方便。
越式發酵茶葉沙律
呢份沙律有齊蕃茄粒、紫椰菜、脆蠶豆乾、脆青豆等，蔬菜新鮮爽口，味道酸酸甜甜，夠晒醒胃。
差不多一尺蝦
見到差唔多枱枱都有叫，我哋都忍唔住叫返一碟！呢碟餸真係無改錯名，隻蝦同手臂差唔多長，真係足足一尺長呀！蝦頭爆多蝦膏，肉質新鮮彈牙，配以蒜蓉、香草、蕃茄調味，非常有層次。上面仲有炸芋頭絲，擺盤非常吸引。
TEARS OF MERMAID、冷香茅青蘋果茶
TEARS OF MERMAID係一杯無酒精嘅特飲，味道主要係由藍柑拮同荔枝組成，非常香甜清新；至於冷香茅青蘋果茶就有淡淡嘅香茅清香，有一種脫俗嘅感覺。
